शिवसेनेत बंडखोरी झाल्यापासून ठाकरे गटाचे अनेक नेते, पदाधिकारी आणि कार्यकर्ते शिंदे गटात सामील होत असल्याचे दिसून येत आहे. बंडखोरी होऊन जवळपास वर्ष होत आलं आहे. तरीही ठाकरे गटाची गळती थांबत नाहीये. दररोज कोणता ना कोणता ठाकरे सेनेचा नेते शिंदे गटात प्रवेश करत आहे. नुकतेच पुणे जिल्हा प्रमुख यांनीही शिवसेनेच्या सर्व जिल्हाप्रमुख यांच्या बैठकीपूर्वी मुख्यमंत्री एकनाथ शिंदे यांच्या उपस्थितीत शिवसेनेमध्ये प्रवेश केला असं असताना उद्धव ठाकरे यांच्यासमोरील अडचणी कमी होताना दिसत नाहीयेत. शिवसेनेची बीडमध्ये सभा होणार आहे तत्पुर्वी या सभेचा आढावा घेण्यासाठी शिवसेनेच्या नेत्या सुषमा अंधारे या बीडमध्ये आल्या होत्या यावेळी बीडमध्ये पक्षातील अंतर्गत वाद चव्हाट्यावर आला आहे. येथील ठाकरे गटाच्या दोन नेत्यांमध्ये सुषमा अंधारे यांच्या समोरच तुफान राडा झाला आहे. ठाकरे गटाचे बीडमधील स्थानिक नेते गणेश वरेकर आणि जिल्हाध्यक्ष अप्पा जाधव यांच्यात वाद झाला आहे.
